السبت، 17 يوليو 2010



بسم الله الرحمن الرحيم


اليكم اخواني زوار مدونه مكسر الفناجيل
ديوان الشاعر الكبير / سعد بن جدلان الاكلبي
وهي من الشعر الجزل الذي يحرص منتداكم
علي نقله اليكم واتمنى ان يحوز مانقلته علي
ارضاكم ونستهله هذا الديوان بأجزل مافيه
وهي


القصيده الاولي

تسمى درة القصائد لبن جدلان

الا ياالله ياللي تحت هيبـة سلطنتـــــك اسلمـت
لك المسلم يسبح لك بحمـدك ولـك الاســـلامـي

احمدك واشكرك واثني عليك بما علـي انعمـت
تزودني وفا قـدر العشيـر ووصـــل الارحامـي

ولجك الفجر ياليل الذهول اللي علـي اضلــمـت
بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت
بصفحة ذكريات العام واللـي مـن ورا العــامـي

بعد تقرير مشوار التجـارب نجحـك واجــــزمـت
بان السيف سيفي والعصا والمحـزم احـزامـي

عطتني عزلة اخلاصي معك نسيان من نادمـت
كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـــــــدمـت
اشـب النـار قـدام العـرب واشيـد اخيـــــــامـي

نهاري حر شمسه يستحي منها لسـان الشمـت
وليلي ترقب نجومـه ملامـة كـل مـن لامـــــــي

على ضو الكلام اللي كشف عنا ستار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـــت
واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمــــــت
يشوفك بالسهل وانته تشوفه بالسمـا السامـي

كثر ماحن قلبي للونيـس وكثـر مـا درهــمـت
فجر صدري حنيني واتعـب الاقـدام درهـامـي

عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـــــدامـي

مدام ان جانبك شام لجنابي وانت عنـي شمـت
كثر خيـرك وانـا مانيـب لاجــــايـع ولاضامـي

اشوف انه علي واجـب ليـا مريتكـــــــم سلمـت
مرور اكرام تربطـه الكرامـه عنـد الاكــــرامـي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي

ختام السالفه ياطيب العشـره كرمـت ودمــــت
هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كــــل مـن نامـي

تذكرني لامنها خابـت اوهــامـك فمـن وهمـت
وشفت الفرق في حب الخشوم وحـب الاقدامـي


القصيده الثانيه

من اجزل ماقال شاعرنا وهي في
سمو سيدي الامير سلطان بن عبد العزيز
حفظه الله ونصره علي اعدا الدين



يالله ياللي بيدك الــــــرزق وادراجه
افتح لنا أبواب رزقـــــك لا تخيبنـا

فاحت علينانسيم المســـــك زعّاجـه
والمســــــك جتنا ذعاذيعـه وطيّبنـا

برق الحيا يجذب المسني تليعــاجه
وإلي جذب غيرنا للبـــــرق جاذبنـا

جينا يا سلطان ابوخـــالد لناحاجـه
ولولا الرجا فيك مازاعت ركايبنا

جينا إل ليثٍ يلوح الطيب بحجــاجه
نشكي على الله و نشكيله متاعبنا

نلح بقعا بليـا كـور و حـــــــداجـه
حتى طويل المدى فضّــا مزاهبنـا

نستربيوت الندا عن كل هـــــرّاجـه
كنوزنا الصبر والشيــــمه رواتبنـا

حتى لحقنا ضعافة وقت حــواجـه
ضعا فتٍ عند مثلك مـا تعــــذربنـا

وجينالبيتٍ رفيع الساس وادراجه
ما هو مباني زجاجٍ تـــوهـا تبنـا

كلٍ يروح ويجي و يعد ما واجــــه
واليوم حنّا عيالك وانت شــايبنـا

وإسلم عدد مايهيج البحربامـواجه
وإقبل تحية ضيوفـك يامعـــزبنـا



القصيده الثالثه

في سمو سيدي الامير
سلمان بن عبدالعزيز حفظه الله


بســــــــم رحمــــــن ٍ رحيــــم نعبــــده و نستعيـنـه
بالنـــــوايـا نيتـه تبطـــــل حقـــــــــايـق كـل نـيّـة

بالربوبيـة و بالشــــــان العظـيــــــم موحــــــديـنـه
الـــــرقيـب المطلـع فالبينـات و فـي الخـــــــفيّـة

لا مفــــــرٍ من قضــــــــــاه و لا هـروبٍ مـن يقينـه
و لا حمايـة للحصــــــون إلا حمــــــــايتـه القويّـه

يا بنات الفكـــــــــر هاتـي لـي نـوادرك الثمينـة
في نبا سلمـــان بن عبدالعـــــزيـز أمشـي جريّـه

في سنام طـــــويق يزرع لك من الياقـــوت عينـه
في زاد و فيه شـــــــــرب و فيه كـن و فيـه فيّـه

جودته تغني الفقارى و ارجــــــــحٍ خطـلاً يمينـه
لطمـــــــــته تعمي عـداه و نفـح جـوده مسفطيّـه

طول الله في بقــــــــــاه و مـدد الله فـي سنينـه
الخصـــــــال الطيبه في شيـخ أهـل نجـد العذّيـه

شايل الحمل الثقيــــــل و معتق النفـس الرهينـه
بالدليـل و طــــــايـع ربــه و متـبـــــــــــع نبـيـه

يـا ولـد قايـد مســـــــــــيرتنـا وربـان السفينـه
الزعيم الفيصـــــلي مرسـي الحــــدود الفيصليـه

صبح المـــــــــــديون قبـل الفجـر ثـم ارتـد دينـه
قمتـه سـت الــــــــــركايـب و ار بعيـن بوارديـه

لا يغـــــــــدر و لا يخـون و لا يحقـر محـاربينـه
يرفع البيرق على وضح النقـــا و الشمس حيّـه

بعد ما سيطر على الخزان و استولى الخـــزينـه
صوتوا بالحكـم بيـن مقيبـره و الناصــــــــريـه

كانت اقلوب أهلهـــــا شتـى و كـلٍ لـه ضغينـه
في جهـــــل و أعمالهم سلب و نهب و عنصريـه

جاتـه الأسيـاد تعطـــــــــــيـه الـولا و مبايعنـيـه
بعد شافوا ضرب أبو تركي و مركاض العبيّـه

كان في الشبه أربعين و كان به عشره بطينـه
فأشهد إن عبدالعـــــزيز الفيصلي مـا فيـه زيّـه

سيدي قدام أجيــــــك القلـب مـا يظهـر كنيـنـه
أتلـزا بالعـزوم اليــــــــــــوم و الصبـح و قفـيّـه

و عندكم يا بو فهد تبدا الظـــــواهـر و البطينـه
انتـــــــوا اللي بعـد رب البيـت منصـى للشكيّـه

سيدي ترك الحقـــــوق اللازمه مـا هيـب زينـه
خص عند اللي يقول حـــــــقٍ علـي و حـق ليّـه

إن بغيت أصد لا الصــــده عن الماجـوب شينـه
و إن بغيت أجود شحّـــــن المصاري مـن يديّـه

في و جهك و وجه أبوك أو جاه مكه و المدينه
و جاه من صام رمضان و جاه من حج الضحيّه

من قيادٍ عند أخـس النــــــاس ورّانـا الغبينـه
و الدهر يا كثـر قشرانـه و ياقـل أجــــــوديّـه

يا صلاة الله على من دين أهل الاســــلام دينـه
و السلام و رحمـة الله و بركـــــــاتـه و التحيّـه



القصيده الرابعه

في صاحب السمو الملكي الامير خالد الفيصل



سلام عدة وبـل مــــــــزن ٍ مراديـف
نو ٍ مـن المنشـأ تزبـر جـــــــويـره

يا سيفنا الدايم و يا دايـــــم السيـف
ابن الملوك أحفاد صقـر الجــزيـره

أهل الجمـوع مفرقـات المـــواليـف
و اهل المقصب و السيوف الشقيره

حبيت أقدم عندكـم باقـة الصيـــف
ي ملتقى السواح مـن كــــل ديـره

شمت هوا تونس و باريس و جنيف
ي طلة أبها و الجنوب و عسيــــره

خواطري مثل السبـور المشاريـف
المغريـات الـسـرد المستــــــذيـره

اللـي تهـاوي طيبيـن المـــــواقيـف
و تهيم في مدح الاسامي الشهيـره

تقلط على فيصل تـرز الغطـــاريـف
شعر يهيـج داخلـه عبـر أثــــــيـره

فيصل ولد خالد مغيـث الملاهيـف
فراج كـرب المعضـلات الكبيــره

المملكه ما رد جيزان لـي طــريـف
عاشت بخير الله بـدي ثـم خيـــره

وفيصل سمي اللي فتح خط برليـف
يوم انعمت عند الرجـال البصــيـره

و فيصل تعشقه طيبات السواليـف
وتخرم لريحـة مستكـاه و عبيـره

عز الله انها تنلقى بهجة الضيـــف
علـى كواكـب حاجبيـك المنيـــره

يا الهيلع اللي ما تحسب التكاليـف
وهايبـك تغنـي اليديـن الفقــيـره

كبر الوهايـم للرجـال الجـوازيـف
اللي يشوفـون الكبيـره صغـيـره

ولا ترى اللي دايم شبـره ضعيـف
ما يبغـي الا العافيـه و الستيـره

يا سيفنا الدايم و يا دايـم السيـف
المعـذره كـان القصيـده قصيـره


القصيده الخامسه

في سموه ايضأ



أبدا باسم من خضوعي له وتوحيـدي
والسبحنـه والتشـهــــــــد والتحيـاتـي

كرسي جلاله على عرشه مدا الميـدي
في وسع سبع الاراضـي والسمواتـي

عسى عراه الوثق طوق على جيـدي
ولا يفـرّح حساسـيـدي وشمّـــــاتـي

إللي كتب في عبيده شقـي واسعيـدي
ورفع بعضهم علـى بعـضٍ درجـــاتـي

ويد ل منطق لساني فـي الأ ناشيـدي
ويزيدني مع هل العـرف إعتباراتـي

إن ناشني من رجال العـرف تأييـدي
حبّيـت نشرالجـرايـد والمجــــــلاتـي

وإذاجـذ بنـي كلامـي للمناقــــــــيـدي
قبل مآسـي كلامـي ياجـب إسكاتـي

شرّد إبكار النشيد أجفل من الصيـدي
ومـن القنانيـص قدهـا مستــــذيراتـي

يقنـص لهابالمحـازم والبـواريـــــدي
تنصاد مـرّه وتسلـم عشـر مــــــراتـي

الشعرصدقـه علـى الأفعـال تأكيـدي
وتقبل إشهوده دون صكـوك واثباتـي

مجـده يخلـد إبيـوتٍ للأجـاويـــــدي
تبقى إضويه بعـد الاسـلاف حياتـي

وأكـد بطبـع العـــروبـه والتقالـيـدي
من لا نفع حـيٍ مايفقـــد إليـا ماتـي

ماهوب شعر المظاهـر والمقاصيـدي
ياصاحبي رش خبزك من لبـن شاتـي

الحر ياقـع مـع الحقـب المجـــاليـدي
و يقول طيري وراي وسويّ سواتـي

قريحتـي ميلـت شعـري وتمـــجيـدي
لمعانق الشـرد فـي روس المنيفاتـي

حذرات الاشعارفي روضـه مقاييـدي
إلشـرد اللـي مطاردهـن عســــيراتـي

إلقلّـط ، إلمترفات،إلعنـس ،الغيـدي
إللي عدمهـن علـى إلشعارحسراتـي

شيـخٍ قصيـده قـداوه للقــــواصيـدي
وشخصه قـداوه واساليبـه قداواتـي

إمخلـدٍ فـي سنـام المجـد تخلــــــيـدي
أرسى من إطويق وجبـال السراواتـي

ياحـق الإنصـاف لطّـام الأضــــاديـدي
يالهيلع إللـي تطيــــع لـه الصعيباتـي

ياسيدي خالد الفيصـل ولـــــد سيـدي
ياسيدي سيد قومي و سيـد ساداتـي

كل الشكاوي على مجـدك مسانيـدي
إلليـا حـداه مـن الايـام صــــــــكّـاتـي

يامحقق أهداف شرهيـن المقاصيـدي
في جانبـك تكبرإشروهـي وهقواتـي

عزمي يحط الثريا والقمــــــر فـي يـدي
واسعى وعجزت جهودي عن طموحاتي

أرهي على جمع زرع ٍ حصــده بعيـدي
ولا أتحسف علـى الفايـت إليــــافاتـي

عسى السعاده تجـدد معـك تجــــديـدي
وعطال سيري إمهندسه أنت بالذاتـي

ياسيدي خالد الفيصـل ولـد سيـــــدي
أهديـك ياخــــالـد الفيصـل تحيـاتـي

القصيده السادسه

في صاحب السمو الملكي الامير فيصل بن خالد بن عبد العزيز




شدوا يا النشاما فوق حمر ٍ حــرار حيـل
منوة كل مشتـاق علـى الهجـن متـرحّـل

نبّاي الفقار أجسامهـن من اللحـم نحيـل
أباهـر غواربهـن عـن أكوارهـن سـحّـل

فج عضود كن زغونهن للسبـاع دحيـــل
عنـهـا نـسـع الأزوار ورقـابـهـن نـحّــل

سواد المدامع في بياض الخـدود ذحيـل
تقـول إنهـا تـضـرب مكايـيـج و تكـحّـل

تنصـا فيصـل الخالـد ربيـع لكـل محـيـل
لا قلّـت مزاهبنـا أو نــاب الـدهـر قـحّـل

جنـاب الزحـل لا منهـم طــروا الـــزحّـيـل
شيخ في سنـام المجـد شايـخ و متفحّـل

في فيصل خواطر خاطري تندفع بالحيل
و أنـا و الله إنـي فـي صنايعـه متـــوحّـل


القصيده السابعه
في سمو ه ايضأ

الأوله مــــــــــن الأولات عبـادة المعـبـــــــودي
الله اللـي يولـــــــــــج ليـــــــاليـه فـي الأيامـي

فاح ريح الـــــــجاوي من العود والكــمبـودي
مع ذعاذيع الصبـا لا هبــــــــــت الأنســـامـي

يا قريحة خاطري مع فــــوح ريح العــــودي
في نحور الطــــرس الأبيض سجلي ياقلامي

واكتبي سطر سواة اللـــــــولـو المنضــــودي
وابدعي قاف يغني في اليـــــــمـن والشامـي

في نبا فيصل ولد خــــــالد زعيـم الجـــودي
يا سلام اللــــــه على راعي المقـام السامـي

يسمو الإبداع في الســــيد من المسيـــــودي
وفي سمـــا الأسياد يوضي كوكـب قدامـي

أهل عقال القصب والجــــــــوخ والحمـودي
واهل السيف الشقير مناصـر الإســــــلامـي

حبنا آل سعود قاد المجد في ابن سعودي
وأنت يا هداج تيمـاء بهجـة للضـــــــامـي

جيت أهني جيت أبارك جيت لي مقصودي
فيك تكبـر شرهتـي ويحققـن أحــــــلامـي

جيت أبي منك الفرج يا فزعة المضهودي
و ابني آدم يرمي الأسهام والله الرامـي

والختام اسلم عـدد مانسنـس النـــــــودي
من هجوس ما تساق إلا علـى الحكامـي




القصيده الثامنه

البارحـه يـــــــوم الاوادم خواشـيـع
في نومها وناعلى الكـوع واعـي

هم(ن)يمزع سترة القلـب تمـــزيـع
تقول ينهــش ثومة القلـب افاعـي

خذت القلم من بين روس الاصابيع
وحبيت اميز سيرتـي وانطباعـي

عزلت من صدقان عطلةالاسابيـع
وعزلت من ضحك الوجيه الصناعي

وعزلت من بنين بامالي مشاريـع
جميد برد ولانس الشمـس ماعـي

وعزلت من زرع الخلـي البــلاقيـع
وعزلت من رفــــع الثنيـه رباعـي

من نفعة اللـي ماطلبنـي منافيـع
جميلة(ن)في غير اهلهـا ضياعـي

في اسواقها ماعاد لشري ولابيـع
لخطيت من رفقة طويـل الـــذراعـي

اللي على الرفقه يسوقـه دوافيـع
هـذاك تشـرى رفقتـه ماتبــاعـي

امايشجعني على الطيـب تشجيـع
والايعلمنـي حمــــــيـد المسـاعـي

والا ليـــامنـه رمعـنـي روامـيـــــــع
وضاقت على كل الفجوج الوساعي

جيته ويسرلي عســــيـر المواضيـع
وخلاخفايا خاطـري لـه وســـاعـي

معرفتـه ماهـي معرفـة طماميـع
ماتنتـج الاالغطرسـه والضيـاعـي


القصيده التاسعه


الجهاله فـي ابـن آدم توليـه اـــــــلدبـور
لوطريقه غـادي يحسـب انـه متـــــــجـه

عنده ان مامثل شوره مع الاشوارشور
مادرى انه له مزاج وللنـاس امـــزجـه

يمكن ان تلقى مزاج يبادلـك الشعــور
لو على فلم الشطـاره وفلـم الدبلــجـه

واخر المشوار لا حصلت مافي الصدور
كل زور فيـه شوراليـا فـاق اهــــرجـه

القمر والشمس كنها تسلف منـه نـور
والجبال اتصير تحته خيـول مسرجـه

يحسب ان معه افضليــــــه توليـه العبـور
ان لقاءالملح ازعقه ون لقاءالحلواسمجه

السماء عجزت تنوشه جناحين الطيـور
ماوصلـه الامحمـد ابليلـة معـــــــرجـه

يا ابـن آدم يلعـن الله مختـال فخـور
من تواضع تحت ربـه يعليـه ادرجـه

لجل ماتدخل جهنم على شـان الغـرور
للعرب حاول تواضـع وتعطيهـم وجـه

من لقا عذب المشارب ومثمرة الزهـور
ما قعديغرف من البحرويسوق احدجـه


القصيده العاشره


أنا وين أبلقى يالاجاويـد فاعـــل خيـر
حريصٍ على سـرّ المحبـــيـن لارســـلتـه

أناّ لوّ أبصبر عام مابـــــان بـي تأثيـر
وهالحين حتّى الصبر يومين مـا أحتلتـه

أنا مثـل صقـارٍ تولّـع بحـــــبّ الطــــيـر
ولف قلبه فـروخ الصــــــورايـم وهبلتـه

تولعّت في فرخٍ قضـــــيـبٍ يتـلّ السيـر
ابيّ نظرتٍ مـن لفتـة الحـــــــــرّ وسبلتـه

صغيرٍ بسنّه غير عندي ماهـــو بصغيـر
يامغـلاه فـي قلبـي وياكبـر منـــــزلتـه

أجمعله سمان الهرج خوفٍ من التقصير
والى جيت ابشرح له كلامـي تهــيزلتـه

يجيني منّه هيبه . معزه . سحى . تقدير
اقابلـه عنـدي علـم وأروح ماقلــــــتـه



القصيده الحاديه عشر

ياعيون اللي على المـــرقب تعـلاّ
مايـرب الا المراقـــيـب الطــــوالا

طرتّك منها غثــــاء البـال يتجـلاّ
نعـــــسٍ مابينهـا بيــــضٍ تـلالا

تذهل إلّي في جواهرهـا تحـلاّ
واهني من ذاق من ريقـــك زلالا

لا وجاه الله ومــنّ زكّـى وصـلا
ّمانبيك الاّ على السنّـــــه حـلالا

مايرّد الجوع شخبٍ في المفـلاّ
ولا يخضّ السعن من ذوده هجالا

أنت غالـــــي ياوليفـي لا تغـلاّ
يثبت الليّ بيننـا ايـامٍ طــــــوالا

واللهّ انّي ميسٍ من وصــلـك الاّ
فزعةٍ مـن ربنـا جـلّ وتعـــــــالا

أدخل الضولات من شان أتسـلاّ
كود جرح القلب يبرى ويتشـالا

والمجنّب مـن الأوادم مايخـــلاّ
لا سلم من شــرّ ذولا ..جوه ذولا


القصيده الثانيه عشر

ياوليفـي دمعكـــــــــم فـي غيابـي ردّ لـي
وأدري انّ دمعتك خوفٍ عليّ ومــــن غلاي

أنت ممرضني وأشوف المرض فيكم وفيّ
الهبوب البارده منّك هـــــبّت فـي حشـاي

والله انّ كبدي عليكـــــم عراويهـا أضمـيّ
والمشارب غير هرجتك ماتقطع ضــمـاي

كيف تستغرب بطـــاي ومجييّ يـوم أجـي
ّمنك اجيـك أبدون رأيٍ وأروح ابدون رأي

ليلي أسهر به والا جاء النهـــــــار أشلـى
شوّيمرتٍ أشلى ومــــــرٍ يعاودنـي بـلاي

وأنت سبّة كـــــــلّ شـي ولا داويـت شـيّ
كيف ياقـادر علـى داي ماتقــــــدر دواي

بعد مـا شتتـوّ الفكـر وأخليتــــــــــو يـديّ
كثرت أعلوم الشماميت وأفرحتـو عـداي

مابعد جاني من يوم التقــــــو بـي والـدي
ّولابعد مرّ المحبين مـنّ حــــــــوّاء وجـاي

لوّ خبر به حيّ يبكي على فقـــــدان حـيّ
كان يمدي من عرفني يشاركني عــزاي

جعل يسقى يوم كان الهوى ماغير غـي
ّفأول الرحلـه مثـل مبتـداك ومبتـــــــداي



القصيده الثالثه عشر

ويش أسوي ياعيون الوحش عنق الغزال
لاحصل طاريك يفتح علـى قلبـي أرواق

لي ثلاث سنين بين الحقيقـه والخيــــــال
وأخر اشهر ذالسنّه تكمل الرابع غـلاق

شبه وضحاّ فالمخاضير زاويهـا الحيــال
من غلاها عند أهلهـا تبـارى ماتسـاق

تيهّت من صغرها بيـن ثنتيـنٍ هـــــجـال
مهتويها راعيّ البل وعاشقهـا عشـاق

عنديّ إنّك ماخـذٍ تـاج ربّـات الجــــمـال
سلموّك الحسن من باب صنعاء للعـراق


القصيده الرابعه عشر

ياعيون مرقـبٍ فعـل الجــــــــدايـر
في صعانين الطوال المستـــديـره

صاحبك يعطي على شوفك بشاير
ديرةٍ منتــــــو بهـا ماهـي بديـره

من خذا منكم خفيّـات الســـــرايـر
والله انّ يبطي ولعكم في ضمـيره

لبـةٍ بيـن المعنّـق والـــــــــــزرايـر
مثل شمس الصبح قدّام السفيـره

ويتفرشها من الخمــــري ستايـر
ذيل شقراّ شعشعت قدم المغيـره

جوهرة قارون غاليـة التجـــايـر
أشهد انّك بهجة العمر الكبيـره

واحدٍ حضّك مع حضّــــــه يسايـر
شايفٍ القدر فالعشـر الأخيـــره

جعل أبو من لامني حمر المناير
في محبّة واحـدٍ مالـي بغـــيـره


القصيده الخامسه عشر

يامل قلب(ن) تقول يقلا على صــيـخ
خلت به الدنيا حـزازات ومشــــــــوخ

دنيا تنوخ راعـي العقـل تنـــــــويـخ
وينداش فيها صاحي الفكر ويـدوخ

تغيـرو فيهـا العيـال المطانيـــــــخ
وسبابها شمل العرب صار مشلوخ

خلتهـم الدنيـا مناشـف طبـــــــابيـخ
حتى الاقارب بينها الذيب مصلـــوخ

ماعاش فيها الاأعيـال الطخاطيـخ
خطوا البعير اللي من المدح منفوخ

من شان ماله صار شيخ ولد شيخ
وامشيخٍ نفسه على النصب والجوخ

بالحكـي لعتـازوه ويـاك مـــريـخ
وليا جاء لزومٍ عندهم صاروا فروخ


القصيده السادسه عشر

آه من قلبي اللي دايـمٍ فـــــي ذهـول
والله انه ثقيـلٍ ليـن جـوه الثقــــــــال

ياقطـاة العبيـه ياهـيـام الـذلــــــــول
ياعيـون النـداوي يارقبـة الغـــــــزال

نور وجهك على من شاف منك القبول
نور صبحٍ تبسم فـي رهـاد الجـــبـال

كني اقرا على طُـرّة جبينـك تقــــول
انـا قلبـي يحبــــــك ياحبيبـي تعـال

كان قدمي حـدٍ فالحـب راح مهبـول
والله انـه خطــــــيـرٍ لايجينـي هـبـال

المحبـه جملهـا مرســـــــلٍ ومعـقـول
نعنبو من يقـول ان المحبــــــه خبـال

والذي ليلة الاسراء عرج بالرســــول
ان حبك لحال وحـب غيـرك لحـــــال



القصيده السابعه عشر


نفوسنا في خشيم الذيب مجبـوره
والله نحـبـه محبتـنـــــــــــا إلهـيـه

ومحاسنك ياخشيم الذيب مدثـوره
بين عليـك الشقاعقـب الرفاهيـــــه

أنا احسب أن الشقامايخلف الصوره
لين أضمحلت ملامحـك الطبـــــيعيـه

قنبه الذيب لين أنشـق حنجــــوره
ثم حول الذيب منه وشرف أوخيـه

حتى فروعه وشعبانـه وشجـوره
ماعاد تعرف حيوده مـن قواطيـه

يوم إن محاجيه فيها تمرح سبوره
وشعابته من لباس العـز مكـــسيـه

في ظل طلح يرسن كـل مذعـوره
وعلى حجاه الثميـدي والفرنجيـه

متبوشن من عواجيـه ومنفـوره
حكامنـا قـدم حكـام السعـوديـه

حراس نجد الحديري عند أخو نوره
ونمرالسباياتقلطـهـا العــــــواجـيـه

إخوان هيا ذرامن قـاد مظهـوره
من أم ريشان إلى عرق المنينيـه

وراعي الجنينه عليها بانين سوره
مذبح التـرك وشيـوخ الهــــــلاليـه

شيخ تشيع رباط الخيـل بقصـوره
متروشنِ بالمجـوخ فـــــوق عليـه

في حكمه الناس منهيـه ومامـوره
حق الجنينه عليه حقوق شـــــرعيـه

واليوم سالم ولد حامد لعـب دوره
عز الله ا إنه جمع هذيك مع ذيـه

على جميع المراجل طالت شبـوره
هيبه ولينـة جنـاب وقوشخصــــيـه

إن كان قصر رفيقه سامح قصوره
وان طاب قال الجماعه طيبهــــم ليـه

عزالله إنه عليه البيض منشـوره
يستاهل البيض كل مجـرب زيّـه

و اليوم الأوطان و الرعيان مكبوره
أهل الرعايا كفاهم راعـي رعيـه

ولاهي من ربعي الظفران مقصورة
سقم الأعـادي مزبنـة الجلاويـه

كسابت النعم لا جا للدخـن ثـوره
ورث لجدانهم مـا هيـب عاريـه

يفرح بها الشول لا ما لج مضهوره
وترعا الهمل في حماهم تقل مرعيه



القصيده الثامنه عشر
علموا اللـي كــــــــل يـوم ٍ يقابلنـا بثــــوب
مـا يخدرنـا كـــــــلامـه مـع مـن خــــدّره

إن لقينا اللعب نزحف مـع جـــــو ٍ لعــــوب
و ان هبطنا سوق طيـب ٍ خــــذينـا نـــدّره

العرب ما هيـب تعلـم مســــــدات الغيـوب
و وارد المـا مـا يدلّـه يكـود مصــــــــدّره

و لا تجيك الحصبه إلا من فراش محصوب
وحبة الجدري تجي من فـ،راش مجـدّره

و المحب اذنيه ماهيـب تسمـــــع للعيـوب
و العدو لا درهمـت بـه تجـي متحــــــدّره

دامت الأخلاق يملك بها الواحـد شعــــوب
ياجب انها فـي جميـع الامـور مبــــدّره

و ان لقيناها طويله و موخرهـا سحــوب
و المـرض فيهـا فحولـه تهيّـج فــــــدّره

ان قدرنا نقفل الباب مـن دون الهبــــوب
ولاّ جـا درب لنـا و القنـي مـســــــــدّره

الأصايـل كــــــل يـوم تلافـح بالكـعـوب
و الـردي لا عيّـن اللـي يهينـه قــــــــدّره

ولا تعرف حسابك إلا ليا صرت محسـوب
وشرهة القـادر علـى العالـم المتقـــــدره

فالمقابـل نفتـح لـه دواليـب القلـــــــوب
و المقفـي قلعـة الـــــــــوادريـن تــودّره



القصيده التاسعه عشر


ياتـل قــلـــبي تلـتــــيـن(ن )بنـتلـه
كنه من الأضلاع ينتل بسلــــسـال

من وضعي اللي شايف فيه شـتله
دنيا تخلي صاحي الفكــر يهتال

أحد(ن) توريـه السعد واضحكـت لـه
وتخلي أزنوده قويات وعتــــــــال

وأحد(ن) ليا مـنه مشى خـطرشـتلـه
مر (ن) يطيح ومر للحمل يشـــــتال

يبـغى يصافيـها وهي ما صفـتله
لاكان وده يفعل الطيب ماحتـــال

وضعه يسـوقـه والليالي أتخـتلـه
ويصير بين أثنين ناقـض وفتـال

ياحمود شـف للوضع والا التفـتله
شرواك له فالطيب منهـج ومبـتال

القصيده رقــ 20 ـــم


ألا يـالـهـبـوب الــبــارده عـجـلــي هــبـــي
علـى جـاش مـن قامـت هواجيسـه أتلـوبـه

أنــــا مــــرةٍ أصــحـــى ومـــــره يـغـيـبــي
وأســرح مـــع كـثــر الـطــواري بغيـبـوبـه

ألا يــادهـــر مــاهـــوب حـــــقٍ تـلاعــبــي
وخـلـيـتـنـي لـمــقــرد الـخــلــق لـعـبـوبــه

أعـبـادٍمـغـفـلـهـا الـــزمــــان وتــعــجــبــي
يحسـبـون قــل الـمـال فـالـرجـل عـذروبــه

وأنــا قـانــعٍ بـالـلـي عـلــي كـاتـبـه ربـــي
ومــؤمــن بـمـقــدوره وقــانــعٍ بمـكـتـوبـه

ولا أبـغــى عـمـاألـريـاء بــرايــه يـجـربــي
وهــو مـاعـرف مـاجـوب ربــي وماجـوبـه

هـدور المجـالـس راعــي الـمـدح والسـبـي
وهـو بالخـلاء لـو جـاه بنـتٍ خــذت ثـوبـه

يقولـون لــي جــز مــن تصـرفـك وتحـبـي
وهـي توبتـي مـن مجتمعهـم هــي التـوبـه

ديــــار الـوبـاءمــن طـبـهــا راح مـتـوبــي
وقرابـة الجـربـاء عـلـى الـحـول مجـروبـه

أنـاعــارفٍ مـنـصـاي ألامـــن بــــدا نــبــي
وعـارف طريـقـي والــذي بالتـجـه صـوبـه

وأنا أعرف من أعادي وأناأعرف من أحبي
وبــه نــاس لاتـعـرف ولاهـيــب محـبـوبـه


القصيده رقمـ21ــــم


عيد الله عليك يعود يالمستكا والعــود
هنيـك جعـل الله بشوفـك يهنـــــينـي

عيدية ضمير حط فية الفـراق لــــــهـود
أجامل على الأنظار والهـم طـــاوينـي

أجدد مع ذكراي عقب الغياب عهـــود
وأناو الله اني داري ما انت ناسينـي

مواثيق خمس السنين ياناسع المردود
ويجيبها جزيل الشك من بينك وبيني

ولو كرهوا لحساد واهل القلوب السود
معزتك في قلبي وقدرك على عينـي

محبتك عندي كل ليـل ويـوم تــــــزود
تزيد وتجدد دام انـا وانـت حيــــــينـي

ولو طولت فرقاك قلبي رعـاة الــدود
فخطر علي ادخل شهـار المجانينـي


ــــــــــــــــــــــــــــــــــــــــــــــــــ ـــــ



من نوادر الاكلبي وفرايده الجميله
وسوف نطلق عليهن اسم فرايد ولا اعلم
هل هن بيوت من قصائد طويله او علي
هذا الشكل



الفريده الاولي
انا يوم اجـيّ وأمركــــــــم ياوليفـي حنـج
ولا وديّ أقرابـك تلـدّ النـظــــــــــــــر فـيّـه

لعبّ بيّ غرامك فالخفا لعبـة الشطـــــرنـج
ليا دار لعبه بيـن الأعضـاء السيـــــــــاسيـه

وسبح بي غرامك سبح موج البحر فاللنجّ
غفلت وغدابي حبّـك شويّـه ..شــــــــــوّيـه

لاشفت زولك قام يدخل أعظــــامـي بنـج
أسولف مع العالـم وقلبـي لـه نحــــــــيّـه



الفريده الثانيه

ياكبديّ الليّ من الحرمـان منهشــــمـه
فيها مـن العـام نجـارٍ بشــاكــــوشـه

والليّ هشمها شفاتٍ دونهـا حشــــمـه
أرهى على الليّ تبي نفسي ولا أنوشه

حجزٍ يرّد الرجاوي من ورى خشــــمـه
وأنّ رده الحجز والاّ ضاع فالطـــوشـه

عمّر بيـوتٍ علـى بيبانهـا رشــــــــمـه
وبطونها بأفخم الشيـراز مفــــروشـه

الفريده الثالثه

يا صاحبي خل قلبي يدلـه أحـــــلا لـه
يمكن إليا سج من ذكراكم أريـح لـي

أعرف ملامح عيـــونك و يش تعنـا لـه
لا صار مانته بصـادق لا تلمــــــح لـي

الوضع مزري ويؤســف له و يرثى لـه
حاول على وضع يصلح لك و يصلح لي

و اليا متآنـا وحنّـا علـى ذا الحـــــالـه
تقودني للخطأ و أخطي و تسمـح لـي


الفريده الرابعه

سبحان واليك ياليلٍ سـرى برقـه
أراقبه والعرب في نومهـا غرقـا

ماصدّت من شوفك الاّ الهم والحرقه
بعض الملاقا تعوّضني بـه الفرقـا

حبٍ مع حبّ غيري ماظهر فرقـه
غديتّ كنّي شفيـع وحبّـه الزرقـا


الفريده الخامسه

انا الليّ همومي صايراتٍ عليّ كـدر
لوّ انها تحوّل فوق غيري فقد عقله

لامنه اشتغل موضوعها داخل الصدر
تقلّ فايزٍ وسطه فريقٍ يصفـقّ لـه

على الصاحب الليّ مانويناه بالغـدر
شفوقٍ عليّ وانا ماغير أتشفقّ لـه

بنا بيت حبّه فالحشا واسس الجـدر
وخلاّ معاليق الضماير تخافـق لـه

الثلاثاء، 25 أغسطس 2009

دايون الشعري



وتقبلوا تحياتي لكم.

القصيده الاولـــــــــــــى:مجاراة ابن الفجاءه.


أقول لها وقد طارت شعاعاً
من الشعارويحكِ لا تراعي
عليش الصبر والباقي على الله
وعلى التصويت ماللخوف داعي
ترى اللي كاتبه ربي بياتي
ولو ماسعى لحظي جاش ساعي
تحزمت بقصيدي والقبايل
وجاء شعري على الدفع الرباعي
انا في مركب الشعر الحقيقي
وجمهور الشعر حسبت شراعي
امامي لجنة كفواً باهلها
وعلى الشاشات لي جمهور واعي
ومادام ان ديرتي دار التميمي
فأنا ماظنتي يحجب شعاعي
تربينا على حب الطليعة
وندعس للوطن روس الأفاعي
نعيش لرفعته ونعيش لأجلة
ونموت لعزتة موتً جماعي
قطر داري ودار ابن الفجاءة
بلاد نبتها سيف ويراعي
ظهر ابن الفجاءة في زمانة
وانا(ابن فطيس)تظهرني ذراعي



القصيد الثانيــــــه:في شاعــــــر المليـــــــون للشعر مضمار


في شاعر المليون للشعر مضمار
والسابقه في الشوط تظهر بيدها
ومضمرين بكار الافكار شعّار
وكل ٍ يحضر بكرته في وعدها
والي تردت لا يدور لها اعذار
معذورة ٍ ما دام قد ذا جهدها
والي تعوص وتضرب الحاجز يسار
تشل في الدنه وترجع بلدها
وانا محضر بنت صوغان الافكار
من حبها عندي تفحم وحدها
ان جارها الله من صواديف الاقدار
جاتك وجاك الجيش كله بعدها
الله عليها من مقاريد الانظار
وصلت تحسك ما غشاها زبدها
وتلقفوها بالعلم رمز وشعار
وصفق لها منهو بعينه شهدها
ومرو بها تو المنصه كما الطار
يالي تزعفرها من الطاس زدها
شبهت بالهجن الاصيلات الاشعار
وقصيدتي تراث اهلنا مددها
أعتز به واقف له جلال وكبار
واحة شرف يا سعد منهو وردها
أغلا ابلنا في ماجب الضيف والجار
يحلب لبنها قبل يذبح ولدها
وتراثنا من دونه نبيع الاعمار
وبفعالنا روس المعالي صعدها
واليوم ضاق الجو من كثر الاقمار
تبث حقد الي لحقده رصدها
غزى الشعر قبل امس غازين الافكا
ر قوم ٍ على الساحة دفعها حسدها
تلقفوها ثم جاوا من كل الاقطار
هذا يصبحها والاخر هجدها
هذا يحرف بالأدب سر وجهار
وهذاك يذبح موهبه في مهدها
واقفوا على ابل الشعر في وقت الاسحار
غاروا على الساحة وعروا جسدها
وصاحت بعد ما شافت ان سترها طار
و وقف ولد زايد محمد سعدها
قال ابشري بالستر وبردة الثار
واضفا عليها سترها ما نشدها
واستل سيف ٍ فالمواجيب بتار
واطلب ورد البل على من فقدها
على خطى زايد خطاويه ما بار
والحاجه الي في خياله وجدها
اغنى العرب من شوف اكاديمي ستار
و من شوف امر من السخافات وادها
شفت الشعر بستان وابوابه ازهار
وقطفت ما يسكن مشاعر شهدها
قطفتها من ديرة ٍ تنبت احرار
من دار ابو مشعل ذراي وسندها

القصيده الثالثــــــــه:ماني بمن ياتي ولا يدرابه

ماني بمن ياتي ولا يدرَى
به شطر ٍٍ حفظته ما اعَرِف كتّابه
شطر ٍ يناسبني لِمثْل اللّيله
واشوفني في ذالمكان أولَى به
ابا اتّكِل بالله ونعْمٍ بالله
اللي ما يوصِد دون خَلْقه بابه
باقول واللّجنه تقيّم قولي
ومن كَثْرة الشّعار ماني آبه
الحمدالله واثق ٍ من روحي
وان كِنْت ذيبٍ .. في الرّجال ذْيابه
ما اقول انا أشْعَر واحد ٍ في العالم
لكن قصيدي كَفْو وانا ادْرى بَه
الشّعْر جمّعنا لو تْفَرقّنا
حْدود وظروفنا الغلاّبه
الله يبيّض وجْه راعي الفكره
عِزّ الله انها تِنْحسب لِحْسابه
والله يبيّض وجْه من يرعاها
محمد الله يحفظه لاحبابه
محمّد وَلَد زايد عَريب المَجْنى
وَلِيّ عَهْد الدّيره الخلاّبه
الشّعْر تاريخ ٍ لنا مِبْطي
واعْلامنا يوم السّنين نْهابه
الشّعْر بيت ٍ والوزن عِمْدانه
معناه طَنْب وْقافِيته حْجابه
الشّعْر واد ٍ فيه صيدٍ واجد
وكل ٍ على الوادي يِهِجّ ركابه
والافكار صيد وكل شاعِر قانِص
وكل ً يدسّم شاربه مخلابه
أحد ٍ خياله ( حر ) وأحد ٍ ( وكري)
وأحد ٍ خياله ( كوبج ٍ) بقطابه
وانا خيالي كلّما هدّيته
حَوّل على الوادي وصاد ( عْقابه)
شاركْت أمثّل ديرتي ورْبوعي
وكلّ ٍ يمثّل ديرته واقْرابَه
والله الى الله راد والله قاله
إنّي لا اسلّمْها الفَخَر وكْتابه
داري ( قطر) وانا هنا امثّلها
المجد مَطلوبي وانا طَلاّبه
حتى دَمي من حبَها عنّابي
وحماستي من ضوّها شبّابه
عهد ٍ علي ّ انّي لا اجَمّل داري
ترّك صِبي ٍ مايِعزّ اترابه
شاعر خليجي والعروبه بيتي
والبيت ما ياقَف بدون اطْنابه
وان عَوّدت بين القبايل فََزْعه
انا اشهد انْ لي في اللّوازم لابَه
لي في القبايل رَبع .. وآقدّرهم
ماني بمن يِجْهل مقام اصحابه
وان عودّت لاصلي فانا اصْلي ( مرّي )
من صُلْب ( يام ) أهْل القَنا وِخْضابه
قوم ٍ لنا فوق المعالي بيرَق
والسّيف قوّة سَلّته بِنْصابه
الشّعْر طوّقْني وانا طوّقْتَه
قمت آتمشّى به وافكّ أبوابه
يابنت ياللّي تِفْرقين بْعودِش
ما الومهم لاكِثْروا الخَطّابه
لا مر بِشْ دَرْبِش على خَلقْ الله
قالوا كذا .. بالإصْبَع السّبابه
زينش يزينه فِعْل أبيش وْجَدّش
وانتي بدورِشْ للشّرَفْ كَسّابه
قومي تباهي بي وفلّي راسِشْ
عليش من لِبْس النّقا جلبابه
وان ماسِتَرْتِشْ بالفُعول وباسْمي
فعّقبْني الفِنجال ياصَبّابه


القصيده الرابعـــــــــه:
ودي بك وابيك واباك وابغاك

ودي بك وابيك واباك وابغاك
جمّعتها لرضاك واختار فيها
شف ويش منها يتبع احكاك ورضاك
اللي لك اسقي مسمعك لا ضميها
غديت (افر)احكاي واساير احكاك
انا تشّرف لكنتي واهتويها
مضمونها ودي بشوفتك واهواك
اللي دروب اهل الردى ما تجيها
صانك ولي امرك وحبك وداراك
لاقدر ردع الحظوظ ومجيها
نفسك مهذبها وعز الله ربّاك
ايدري ان جيش الهيام يغزيها
الله قسم يبلاك بي وانت يبلاك
اللي سواتي في العرب يرتجيها
محبة (ن ) ذربه من القلب تكساك
حبة (ن) صدق الهوى يكتسيها
يامرك قلبك بالوفا لي وتنهاك
اس (ن) على لاماك تفرك يديها
رزين عقل ومن مزايا مزاياك
فسك تحب وعفتك تمتطيها
تطيع عقل (ن) ما بعد زل واغواك
شاعرك تعصاه ..وانت تعصيها
ماشفت منك الا عيونك ويمناك
حبة (ن) راع الردى ما يبيها
يقبض فوادي لا تخيلت فرقاك
اشف عين (ن) ما سواك يعنيها
وياعزوة اخوانك ومطلب هذولاك
اس (ن) محبة والدك تدعيها
ناس (ن) تخدم ابيك كله لعيناك
هو يحسب ان الله عليه يهديها
ياجعلها تفدى على الارض ماطاك
الله بمن هو مثلها يبتليها
لكن لعب في ياوليفي تغّلاك
نفسي غلاك من الصدود يحديها
تبطي علي وانا هنا واتحراك
كبدي لواهيب الصبر تشتويها
اجمّع علومك امن هناك وهناك
الله لو انها تنشرى لا اشتريها
وعذرك (انا لاهي) يا ويش اللي الهاك
اهي ومر(ن)منت لاهي تليها
كانك مشكك في الوفا والغلا هااك
والي اقر القائمه كل ابيها
رقمك مع (الصادر) ولا (وارد )سواك
الناس في اللي ( لم يرد عليها )
واياك واياني...واياني اياك
__________________


انـــــــا جيــــــــــــــــــت كلــــــــــــــــي


ماهو بكيفك عقب شيٍ حصلي
من ذوّق المحتاج يصبر الى احرجْه
خليتني من حلو حاليك احلي
واصبحت مدمن حب والقلب روّجْه
بين العروق وصار مافيه " ملي "
ولاا وله جُرّه تمرّه وتسهَجْه
وذود الغلا في عشب قلبي تفلي
وتراب صدري للمطر منْك ما احوجْه
يمحل الى صدّيت ويموت يا اللي
صديت عنّه والله احياه واخرجْه
ولي خاطر ٍ يسألْك من لي ياخلي؟
غيبتْك تلعب به وشوفتْك تبهجْه
ولي عين حالي دمعها لك يهلي
وانْ رحْت راحت مالح الدمع تزعجْه
غالي ولا يحتاج بسّك تغلي
غلاك اخذ قلبي وروّضْه واسرجْه
ولو قلت ياعيني بصدره تملي
شافت خفوق ٍ حبك الذرْب توّجْه
وماهو على كيفك عقب ما حصلي
من ذوّق المحتاج يصبر الى ازعجْه
عطيتني وجهك وانا جيت كلي
محروم والمحروم ما ينعطا وجْه

المــــــــــــــــــــــــــــوت

الموت تالي العمر والدنيا مقيل
والاخرة هي منتهانا لا محال
واعمال كل انسان له منها حصيل
توضع على الميزان وان ما مال .. مال
وديني وحب الناس والخلق النبيل
ثلاث هي دربي الى حسن المئال
ماهي بلحية شوق للطرف الكحيل
لا ذكّر العقل الجوارح بالزوال
الله يقدرني على رد الجميل
والله يجمّلني الى جالي مجال
والله يحط الستر لي ظل ظليل
والله يقوّيني على وصل الحبال
والله ينوّرني لصار الصبح ليل
والله يقدّيني الى غاب الهلال
والله يروّيني السمين من الهزيل
لا ضيعوا ويش السمان من الهزال
والله يكثّر كل ماهو لي قليل
الاّ العيوب .. وكل مانقصه كمال
والله لا يحوجني لمدات البخيل
ويعيضني في كل ماحرّم حلال
والله لا يذللني لسطان الذليل
والله لا يسقيني المذّلة في الزلال
والله يوفقني الى اختر الخليل
والله يجنبني مجالس قيل .. قال
والله يساعدني على القول الدليل
وستر من المنقود والسنة الرجال
والله يقومني الى شلت الثقيل
ولا ينوخني لدين عباد مال
والله يرحمني عقب عمر طويل
وادخل مع السبعة تحت ذاك الظلال


المقنـــــــــــــــــــــــــــــــاص




راع القنص مسجون وفراجه سهيل
وشلون ما يبغون شوفه يشوقه
اللي يعدون الصقاره غرابيل
ما ذاقوا اللي فالصحاري نذوقه
انقوم صبح ونرقد من اول الليل
في دار عشب ٍ تلحق الماء عروقه
انقوم للمذن مقام ٍ بتهليل
يوم ٍ طوال الليل نرقب شروقه
برض ٍ بها لبرق الدواغر مداهيل
قد مرها الوسمي وشافت بروقه
نسيمها كن فيه من نكهة الهيل
يكفخ بخفاق ٍ قبضه معلوقه
ما شيف فيها الا ثر الصيد والسيل
وخاطي ثر ٍ للي يدور لنوقه
الصيد فيها له مداس ومقاييل
كنك لها من كل ديره تسوقه
وندوج بأشقر صافي الظهر والذيل
مطروح قد ريشة ظهره محروقه
له هيبة فالجو قبل المحابيل
فرخ العقاب ايخاشره في حقوقه
على عيونه له قحوف ٍ مضاليل
اقحوف شيخ ٍ تاج الامجاد فوقه
يطلع وطلعه لا طلع.. طلع دربيل
زود ٍ على طلعه وطبعه.. لحوقه
لاقفت تغرف الجو وتجر وتميل
راع الحمامه دونها ما يعوقه
اذكر عليه اللي له الحول والحيل
الى اتقت من تحت ذيله اسبوقه
اطياره ايخلي المقافي مقابيل
ارماش عين اللي قذى العج موقه
هاذي طراة العمر من دون تقليل
بهواية اللي ذوقنا غير ذوقه
وهذا اللي يحبب هل الطير بسهيل
وخوة رجال ٍ الخوى ما تبوقه
موجز عن المقناص ماهو بتفصيل
وكل ٍ يمدح ربح سوقه بسوقه


الوطــــــــــــــــــــــــــــــــــــــــــــــ ــن


يقولون سمعنا قصيد الوطن نبغيه
وانا اقول هاكم والوطن يستحق اروااح
ولكن من اللي بالقوافي قدر يوفيه
اشوف ان مدات الشعر لو تجود شحاح
تعجز المشاعر لو بغرف البحر واعطيه
ولا اشيّن من الطبعه سوى طبعة السباح
عجزت افصح اللي في كنين الصدر مخفيه
واشوف السكات افصح الى ما انصف الافصاح
احبه ولو مابيّن القاف كيف اغليه
وحبه شربته واجتمع فالؤاد وساح
قطر موطني وانا مثل من تربوا فيه
راع البل وراع المال والغيص والفلاح
رجال ٍ الى سمعوا نداه اجمعوا لبيه
تطيح الغتر والروس .. بس العلم ما طاح
ولدنا يجي في لازم الدار هو وابيه
مجي المعيد الموجب لراعي التلواح
سواعد الامير وفالمحافل فخر و وجيه
ونارد حياض الموت كنحن خرز مسباح
وسيوف لولي العهد في لازمه وايديه
دروع عليه وفاللوازم قنا ورماح
جنود الوطن لحتاج الامر وذرا ً يذريه
ولسان ٍ فصيح ٍ قاطع ٍ يسكت النباح
رجال اللوازم كلنا والعهد نوفيه
علي بالطلاق انه كلام مهو بمزاح
هذا بعض مافالصدر للدار يا باغيه
كتبته قصيد وديرتي تستحق ارواح


لا ضاقت الدنيــــــــــــــــــــــا




لا ضاقت الدنيا عليك وتشاويت
خلق الله اللي فالرخا كان واجد
ومن العرب والصوت والثوب مليت وقامت
عليك هموم بأقعا تراجد
فارفع يديك لخالقك لا توضيت
وادعو تراك أقرب إليا صرت ساجد
ووقت من أوقاتك للأوقات توقيت
وسجل لنفسك في المساجد تواجد
وأبشر بفزعة حامي الدين والبيت
إليا هجدك من الهواجيس هاجد
اللي يميت الحي ثم يحيي الميت
لرضاه شف كثر البشر بالمساجد
من غيبة (ن) من دون عذر يحميه


من لابتي مرة الى جدي فطيــــــــــــــــــــــــــــــس



من لابتي مّره الى جدي افطيس
ربعي مطوّعة الصعب بالصمايل
ناموس ياللي تكسبون النواميس
ياهل العلوم الغانمه والجمايل
اهل السموت وفي الملاقا فواعيس
يقطعك ياهرجٍ بليا دلايل
انتو خيارينٍ على الخيل فريّس
اسمٍ ينومس بين كل القبايل
يامقلّطينٍ شذرة السيف والكيس
قد قالها ابن حميد ضمن المثايل
منصا الرجال اللي على ضمّر العيس
وفالحرب نطّاحة شبا كل عايل
هواجرٍ لاجات قدهي مقاويس
اركب الضيوف امن السرا والقوايل
تنصا رباع امتعّبين المحاميس
مروين حد المرهفات الصقايل
يردون غصباً والعزاوي متاريس
لاجا نهارٍ فيه عدلٍ ومايل
وامسيّسين اسياسة الفوز تسيّيس
باللبل وبالهجن السباق الاصايل
افوز في يوم المزاين وفالريس
من كل منعوته تسمى وحايل
ولو حصل للبل من الناس تفليس
يكفيكم انك فالعرب من لاوايل تلبس
من العنّاب زين الملابيس
يوم المزاين مع ارجال الحمايل
يزها بها لون العلم تتبع افنيس
ابلٍ لها عادات كسب النفايل
ومدحي لبو زايد محمد بلا قيس
مدحٍ لو يقارن بفعله .. قلايل
الله يمهّل به ويخزي لاباليس
وايدوم ذكره فوق كل الطوايل

الأحد، 23 أغسطس 2009

الدايون الشعري



{{السلام عليكم ورحمه الله وبركاته}}




اقدام لكم الديوان الشعري للشاعر الكبير.....


الشاعر:تركي بن عطالله الميزاني.....


وأتمنى أن تنأل على أعجابكم.....





الشاعر تركي الميزاني قال قصيده في صاحب السمو الملكي الامير سلطان بن عبد العزيز حفظه الله
كريم يانوّ(ن)هبوبه تقوده


لي مدة(ن)وانا عيوني تراعيه


اكبر من الغربي ترازم رعوده


سيله حقاق والمخايل تباريه


اللي وطا حزم البلاد ونفوده


عقب المحل ماناش من عرق يحييه


ايام وسمه ماتجيك معدوده


ثابت على طول السنه من مناشيه


هتان ودان ذعاذيع نوده


تجلا هموم القلب والجرح تبريه


وليا سمك وبله وخيّم ركوده


تفرح به البيدا وتروا ضواميه


فوق البسيطه ماتحدد حدوده


مافيه وادي غير تجري مجاريه


والعشب انواعه تلاعب وروده


طلعه سوا من مدلهم(ن)يساقيه


هذي هماليله وهذي شهوده


كل(ن)يرحب به وكل(ن)يحييه


هذاك سلطان السعد من جدوده


غيث(ن)على غيث(ن)يعافيه


ياراح قلنا الله علينا يعوده


من كثر حبه ودّ شعبه يخاويه


وليا رجع تباشروا في وجوده


شيخ(ن)وحنا برض البلاد لمواطيه


حنا تحت رايه وحنا جنوده


واعمارنا في ساحة الحرب تفديه


القايد اللي منبع الجود جوده


صار الكرم صرح(ن)للأمجاد بانيه


((خلو كرم حاتم))وماضي عهوده


سلطان يعطي شي حاتم مايعطيه


خيره على العالم عسا الله يزوده


لو جيت ابذكر ماتعدد حسانيه


وفاه وصلة لكل دوله وفوده


من مد كفه مايبا احد(ن)يكافيه


وليا قدح من نار فكره زنوده


رايه سديد وكل تايه يقديه


وليا بطش ضاعت روابع حسوده


من سطوته خصمه يضيع هقاويه


هداج تيماء اللي يصدر وروده


ياحي ابو خالد وياحي طاريه


كنت اتمنى وقفتي في وجوده


واليوم انا موجود مابين اياديه




مانيب مجازيك
ما نيب مجازيك في صدك وهجرانك


ودعتك الله وتلقى واحد ثاني


أتعبت الأعيان والأقدام من شانك


وأنت ولا شيء سويته على شاني


فزيت لك يوم قلت أسمك وعنوانك


لو كان ما تنتمي لأسمي وعنواني


ما جيت أدورك ولا أطق بيبانك


وإلا ترجاك مثل فلان وفلاني


أنت الذي جيت لي وأعلنت بلسانك


أنك على شوفتي جايع وعطشاني


صدقت هرجك ومنطوقك من لسانك


وأقبلت لك مندفع من كل وجداني


ما كنت أفكر يجي في يوم نسيانك


وأنساك وأنت معاهدني ما تنساني


إلا بعد ما قريت الكذب في أعيانك


حاولت أوادعك وأنسى كل ما جاني


خلاص ما نيب متعني على شانك


ودعتك الله وتلقى واحد ثاني




يابنت انا قلبي


يا بنت أنا قلبي من البعد محروق


@@@لا تحسبين أني قطعت العلاقه


محبتك في القلب و ابراجها فوق


@@@تشيل صوت اسمك في حلم الصداقه


محبتن ما شالها كل مخلوق


@@@بطاقتن يا حيها من بطاقه


يسوقني طاريك لمشاهدتك شوق


@@@واشفق على لمست يدينك اشفاقه


و الصبر زين و كل مطرود ملحوق


@@@شرهت قدم رجلي على عظم ساقه


زرعت لك زرع له اثمار وعروق


@@@وقدمت لك من زهرت العمر باقه


وان كان عندك شك لا ناشك العوق


@@@في قلبي الي لك يزيد اشتياقه


الشوق مشتاق اكثر من الشوق


@@@شوق ابدوي ضاعت نياقه




سيرة بطل..
يافالق الصبح يامولج نهارك بليل


--- ياجامع الناس في يوم البعث و النشور


عليك كل إتكالي وأنت نعم الوكيل


--- يا عالم بالمصير و ماتكن الصدور


يالله يالله تهديني سواء السبيل


--- و تعصم لساني عن الزله وعن كل زور


الشعر موقف وحده مثل حد الصقيل


--- لو كان كتله من احساس البشر والشعور


ياما رقابي ورقيته براس الطويل


--- وياما سبح بي بحور وغصت به في بحور


وانا ليا حان ميقافي قبست الفتيل


--- و اوقدت من نار فكري للمسافات نور


واليوم لاهنت ياشعري مايخدم بخيل


--- مادام سلحتك الافكار مانت معذور


قدمك من العز مايروي ظما كل جيل


--- سوالفه تزرع الامجاد في كل بور


وقدمك لميع الهنادي والقنا والصقيل


--- وقدمك من المجد ماترويه كل العصور


مسافته عز ماتنقاس كيلو وميل


--- بركانها ماخمد وامجادها ماتبور


ياموكب الشعر وقف واستمع لي قليل


--- حتى اني اعطيك للتاريخ رخصة عبور


سيرة بطل ماتغيبها حكاية رحيل


--- تبقى بوجه الزمن كالنحت فوق الصخور


ماكانت ارض الجزيرة قبل ذاك الاصيل


--- إلاتفكك عقيدة وانحدار ودبور


نهارها كم قتيل وليلها كم قتيل


--- جنايزٍ مالهافوق البسيطة قبور


قويهم سلطته تسلب حقوق الذليل


--- وشيطانهم ساد والظلم انتشر والفجور


وكلٍ لخصمه من اصناف العداوة يكيل


-- وصدورهم من جهلهم فالمعاصي تفور


مال الاْمن شجرةٍ فيها مقر ومقيل


--- ولابينهم للمودة في الجزيرة جسور


هذا قبل هيت تخطيها عيون الدليل


--- وهذاقبل سطوة القرم العزوم الصبور


النادر اللي على العارض يهيم ويخيل


-- من يوم عمره عشر شوره غلب كل شور


من قو باسه صنع ممكن من المستحيل


---- ومن طيب راسه يحل معقدات الامور


زهابه الصدق والاخلاص حمل الصميل


---- وسلاحه الدين والتقوى سلاح الغيور


جمَع شتات القبايل لين صارو فصيل


---- واخوان عقب التناحر والجفا والشرور


وحكم بشرع الكتاب اللي ماغيره بديل


--- وعم الفرح فالبلاد وساد كل السرور


لامال ميزان غيره مايحيد ويميل


---- في سطوته ينكسر راس الجهل والغرور


شخصيته مالها في كل جيله مثيل


---- تجف الاقلام وبمدحه تضيق السطور


والله ليبطن ماجابن ناقضات الجديل


--- مثله ولااقول في كل النشامى قصور


ويالله يامستجيب للدعاء ياجليل


--- من عبدك اللي لك مطيع وذليل وشكور


ترسل على قبر ابو تركي صدوق المخيل


-- وسمٍ يساقيه من غر السحاب البكور


وتهل فوقه بسيل مايلاديه سيل


---- وترحم عظامه وتغفر زلته ياغفور


وتجمع به المصطفى في جنتك والخليل


--- وتحفظ عياله مواكير الحرار الصقور


وإنك تجمل وتهديني سواء السبيل


--- وتعصم لساني عن الزله وعن كل زورِِ




ياصاحبي واللي خلق



ياصاحبي واللي خلق نعمة السمع


.... انك هنا بين المعاليق ثابت


ماجيت لك صدفه ولاجيت لي رمع


... وأن غبت عني فرحتي معك غابت


غيري عبث ف الحب بسياسة القمع


.. لكن لاودت ولايوم جابت


الا محبك من عشق يحسن الجمع


.. ماشاب حبه لو قوافيه شابت


والدمع هذا اللي تشوفه ماهو دمع


.. أشعلت عيني لجل اشوفك وذابت


واللي ينزل منها على خدي الشمع


.. ارقد مادام الشوق في القلب نابت




الخلـطـه الـسـريـه
يـاعـذابـي مـنــك يـامـوتــي ويـاحـرمـانـي..................


................زابـنــك بالله تـخـفـف عـنــي الـلــي فــيــه


مـن عذابـي وشهـو الـلـى بـاقـي ماجـانـي...................


...............فـي عيـونـي مــن عـذابـك صـايـر مـاريـه


وانــت تــدري كــل ماتحتـاجـنـي تلـقـانـي...................


...............يشـهـد الله عـنـك مـاتـقـدر تـشــح يـديــه


بــــس تـكـفــي لاتـعـذبـنـي ولاتـنـسـانــي....................


............ضمنـي يانـور عينـي فـي حـشـاك شـويـه


كـــل ماشـفـتـك تدخـلـنـي بـعـالــم ثــانــي..................


.............عيـن تنظـر لــك بـشـر و الثانـيـه حـوريـه


فيـك شيـطـان الـهـوى ياسـيـدي وصـانـي.................


.............بـالـغــلا والــولــف والـتـقـديـر والـحـنـيـه


والقصـيـده الـيـا بغيـتـه فـيـك مايعصـانـي.................


.............يتباشـر فـي وصــوف عيـونـك السحـريـه


يـاوجـودي لــو أشـوفــك يـابـعـد خـلانــي.................


............يشـهـد الله لـحـذف الغـتـره مــع الطاقـيـه


كيف أنا المجني عليه وكيف صرت الجاني...............


............لعنبـوا حـظـك ضبـطـت الخلـطـه السـريـه


لين من حبك ومن طيشـك نسيـت اخوانـي..............


.............صــرت أجــي واروح لاهــاذي ولاهـذيــه


والهوى هو حاكم شعوري وهو سلطانـي.................


..............لاحـصـل لــي مـنــه لارحـمــه ولامـاويــه


أشـهـد أنــه راح فيـهـا تـركـي المـيـزانـي.................


...........ومــن يكذبـنـي يـعـرف الخلـطـه الـسـريـه




فاح عطر القصيد



فاح عطر القصيد وغردن الفرايد..........................من ضميرٍ على بدع المثايل رهاوي


وشلعن من غصون الشعر ندر القصايد............................شردن ما يروضهن قريب الهقاوي


وأستوت طبخة المعنى بجمر الوقايد....................... لين ذيب القصيد من الوله جاك عاوي


حالف أني لعلقها قلايد قلايد..........................لان ما عاد تطلع من ذهن كل راوي


وكان ما رضيت راعي الموهبه والمحايد..........................والله أني لصير عن القصايد نحاوي


أعشق الشعر وآخذ من سنيني فوايد..........................واتزود وانا اللي ما قطعت الرجاوي


جعل يومٍ جمعنا في الإمارات عايد...............................دولة ما حكمها غير حر نداوي


لين صار الأمن والعز والخير سايد..........................ومن يجيها فقير يروح منها غناوي


أعشق ترابها واحبها حب زايد...........................ودي اروح عنها مير ماني بقاوي


املكتني وانا قلبي من الحب جايد............................وحبها ما يداويه الطبيب المداوي


ودعت قايد غالي وفرحت بقايد .......................عنده اكبر مصيبه مثل شرب القهاوي


وله عضيد على هامات الأمجاد رايد......................منهو اللي براع المجد والطيب غاوي


سِعد منهو تعزوى به نهار الشدايد.......................يوم فعل الشجاع يبين وقت العزاوي


وانا من دولةٍ فيها وساع البنايد..........................دولة الآ السعود مزبنين الجلاوي



يانايف



البارحـه يـوم كـلٍ نـام يانـايـف$$$$أخـوك ماهـوب لانايـم ولاواعـي


يحوف قلبه من همومه ميـة حايـف$$$$من غير همٍ قديـمٍ بيـن الأضلاعـي


همٍ يزعزع جبال طويـق والطايـف$$$$ مخفيه لي مدةٍ مـع باقـي أوجاعـي


لاشك ماني من غدر الزمـن خايـف$$$$أعرف دخولي بعد ماأعرف مطلاعي


لكن الأيـام منهـا خاطـري عايـف$$$$لـو إنهـا تجربـة عمـر وتمتاعـي


يلوفني عن مقاصد خاطـري لايـف$$$$وأمشي مع الدرب وعيوني لمرجاعي


لاعاد تنشد عيوني ويش أنـا شايـف$$$$مافي عيوني يسولف لك عن أوضاعي




مداين خاطري
على الله يامداين خاطـري يـا عاصمـة دنيـاي^^^^على الله يالحروف التايهـه فـي نظـرة التايـه


على الله يالطريق اللي معاريفك تعـب رجـلاي^^^على الله يـا مسافـر فـي طريـق مالـه نهايـه


الاياليـل لاتسـري ولاتشـره علـى مـسـراي^^^دخيلـك لاتقـدم شرهتـك مـن دون مسـرايـه


على شان الحبيب اللي يسابق نظرتـي وخطـاي^^^على نفس الطريق اللي من اجله تعبـت اخطايـه


ترجيتك تساعدني وانـا مانـدم علـى رجـواي^^^إذا شفتـك تـوادع ضيقتـي وتعانـق ارضايـه


وانا اخترتك رفيق الدرب في صمت السنين الجاي^^^ولا اخترتـك ياليـن اصبحتلـي ياعـز خويايـه


وانا ماعشـت وقتـي يازمانـي بيـن راي وراي^^^انا عشته علـى عـز ورضيـت بحكـم مولايـه


ولا اطرد من سراب الوقت مايجلب علي منـاي^^^اعيش الواقـع الحاضـر لعيـن ايامـي الجايـه





((ياسعود لاتنشد عن الحال ياسعود))



ياسعود لاتنشد عـن الحـال ياسعـود


الحـال ولـى فالـزمـان المـولـي


والجسم الاقشر قام ينحل كما العـود


والهـم خاوينـي معـي ثـل ظلـي


لو قلت لك موجـود مانـي بماجـود


اظحك واجامل واحدن مافطـن لـي


متبعدن عـن كـل شـاذب ونمـرود


ومنزحـن بيـن الخلايـق محـلـي


ياسعود يوم الهرج لـه قـن وحـدود


وداني اكتبلـك عـن الـي حصلـي


والي حصلـي لـه مصاديـر وورود


اقفـت صـدوره والـورود اقبلنـي


من عقب ماسافر علـى زورق النـود


عود وجا من سفرتـه راجعـن لـي


واول جوابـه لـي مقابيـس وزنـود


ونارن تشل اطراف الاظـلاع شلـي


وان قلت مالك من ورى القلب مقصود


وان كان لك مقصـود عبـر وقلـي


تال الزمـان يبيـن البيـض والسـود


لاتحسبنـي راجعـن لــك تسـلـي


وان قلت وش رجعك لافـدت بالفـود


قال انشد الـي جابنـي مـن محلـي


ماجابـه الا مـن يقـود الهـوا قـود


قـود البعيـر اليـا امتنـع لايفـلـي


الصاحب الي دونـه الحـزم ممـدود


بقصـى جبالـن حيدهـا عارضنلـي


ارسل مراسيله يبـى العلـم موكـود


ياليـت مرسولـه جلـس ماوصلـي


عقب السنيـن مشيبـة كـل مولـود


اليـوم مـن فرقـاه دمعـي يهـلـي


ياسعـود قلبـي راح ماعنـه منشـود


كب الظلـوع وراح مـرواح خلـي



ألا يا نفس ما للخوف



ألا يا نفس ما للخوف داعـي


ترا اخر لحظة الدنيا وداعـي


يقول المازني من عرض قوله


ذليل النفس ما فض النزاعـي


هروب الرجل وغيابه فشيلـه


نهار يتضح فيـه الشجاعـي


يصير المدح للي مـا تخفـىليا


منه دعى للحـرب داعـي


نسج الرجل واسهـم المنايـا


تعاقب في الثنيـه والرباعـي


لو إنا ما نبي للمـوت شوفـه


ليا جانـا يضيـق الاتساعـي


لكن للموقف الغصاب حـزه


ما نلبس دون موقفنا القناعـي


هلا بالموت في لحظة قدومه


ولو ناطى على روس الافاعي


وإذا مات الرجل بالطيب خلدو


ذكره بين كل الناس شاعـي


مصير الموت قادم لا محالـه


ونهاية كل مخلوق الوداعـي




ابيات الحكمه في برنامج شاعر المليون...
الحياة افراح واحزان ودورس وعبر


التجـارب صفحـة ايامنـا وكتابهـا


مهما زاد الشخص بالمال والعز وكبر


واهدته شهوات نفسه جديـد ثيابهـا


وابرقت له زيف الايام واغرته وعبر


المصير ارضه يلحف عليـه ترابهـا


والمصايب حملها سم ودواه الصبـر


ورحمة الله دون خلقه ما سكر بابهـا


وعن حياة الادمي شيمته تبعد شبر


وان فقد من شيمته شي نفسه عابهـا


وان قبر فالعيب لو ما توفى وان قبر


والحياة اللي بها نقص ما نرضى بها




يا مالك الملـك



يا مالك الملـك يالواحـد شديـد العقـاب


يا غافر الذنب يا مرسـل رسولـك نذيـر


يا خالق الخلق يا محصى الخطا والصواب


تعالت اسماك مالك فـي صفاتـك خشيـر


يا محي الارض بأمرك من حمول السحاب


يا عالمن فالحيـاة ومـا يـؤول المصيـر


يا جامع الناس في يوم الحشر والحسـاب


مافيـه فـرقٍ هـذا تاجـر وهـذا فقيـر


كل الخلايـق سـوا الا بحمـل الكتـاب


لا شخصت ابصارهم يوم النهار العسيـر


احدٍ فتح له كتابـه صـوب جنتـك بـاب


واحدٍ هوابـه اكتابـه للسخـط والسعيـر


يا رب رحمتـك لا هلـو علـي التـراب


واصب حت مالي عن الوحشه مفر ومطيـر


واقفوا ولدموعهم فوق الخـدود انسكـاب


واسمع قريع احذيتهـم فالـوداع الاخيـر


ودخلت في عالم البرزخ وطـال الغيـاب


وفارقت كل القرايـب والاهـل والعشيـر


وجونـي ملائكتـك العمـل والـعـذاب


استسلمت نفسـي لمنكـر وجانـي نكيـر


في موقفٍ للسؤال يزيـد ثقـل الجـواب


الا برحمتـك اللـي فالخفـايـا خبـيـر


يا رب حملـت نفسـي بالشقـا والعتـاب


ومديت حبل الخطا لبليس واصبحت اسير


وطاوعتها في متاهات الوهـد والسـراب


لين اشبكتها الخطايا شكب والنفـس طيـر


ازل واقـول انـا تـوي بسـن الشبـاب


واليا نصحني محب اقـول تـوي صغيـر


ما كنت احسب لوقتي والليالـي احسـاب


ولا كنت افكر وش اللي في زماني يصير


الا بعد ما نصفت العمر والـراس شـاب


وفقدت من ربعي الادنيـن جمـعٍ غفيـر


عرفـت ان الحيـاة مصارعـه واكتئـاب


واني مودع ولالـي غيـر ربـي نصيـر


ومن لا تزهب من التقوى لنفسـه زهـاب


لا مات وش حجته يـوم النهـار الكبيـر


فالموقف الي مافيـه امجادلـه وانسحـاب


منهوله لهاك النهار يشيـب راس الغريـر


لكن اليا اذنب نبي آدم واعترف ثـم تـاب


الله يغفـر الذنـوب وينصـر المستجيـر




ياحرفي اللي ضاع
ياحرفي اللي ضاع ما بين الدفاتر والرفوف


اللي رسمته من تنهاتي ومن حبر اقلمي


ضحيت لجله في حروف وقمت لجله في حرووووف


وصبر لو النار من فوقي ومن تحت اقدمي


ياصاحبي ياللي على شانك تحديت الظروووف


اسمع كلامي زين وفهم مااااقوله من فمي


مهو بناالي تتركه بين الخناجر والسيووف


وتمص دمه بين خلق الله يمصاص ااااالدمي


انا ابدوين ماسكن بالوقت مسكان الضعووف


اتبع هو باااالي وسير عند ذودي وغنمي


طوفتها لك لاجل خاطر عين والى ماتطوووف


والى مهما زاد وزنك وزني يطرحك انسمي


صمتي يدل اني وفي ومسوين فيك امعرووف


وصبري يدل اني من ازحول الصناديد انتمي


ياقوم يالي تذبحون الحيل قدرن للضيوف


وش رايكم بلي يعشيني من اوصال الحمي


وقفتله يوم اجلسو وجلستله ناس وقوووف


غير الذخيره والفشق في محزمه من محزمي